Նորություններ, միջոցառումներ
Տեղի ունեցավ ԲԿԳ աշխատանքային խմբի հանդիպումը
15.02.2016
2016 թվականի փետրվարի 15-ին տեղի ունեցավ «Բաց կառավարման գործընկերություն» նախաձեռնության Հայաստանյան աշխատանքները համակարգող աշխատանքային խմբի ընդլայնված նիստը: Նիստին ներկա էին նաև միջազգային կազմակերպությունների ներկայացուցիչներ:
Նիստը վարում էր ՀՀ կառավարության աշխատակազմի ղեկավար-նախարարի առաջին տեղակալ, ՀՀ ԲԿԳ աշխատանքները համակարգող խմբի ղեկավար Գուրգեն Դումանյանը:
Հանդիպման ընթացքում քննարկվեցին հետևյալ հարցերը.
- Մեխիկո քաղաքում 2015թ. հոկտեմբերին անցկացված ԲԿԳ գլոբալ համաժողովի և ԲԿԳ միջազգային մրցանակաբաշխություն,
- ԲԿԳ Հայաստանյան 2-րդ Գործողությունների ծրագրի իրականացման ընթացք,
- 2016-2018թթ. համար 3-րդ Գործողությունների ծրագրի նախագծում
Ներկայացվեց ԲԿԳ Երրորդ գործողությունների ծրագրի մշակման գործընթացի տեսլական և մանրամասն ժամանակացույցը: Առաջարկություններ հնչեցին հստակեցնել և շրջանառել չափորոշիչներ՝ ՀՀ ԲԿԳ Երրորդ գործողությունների ծրագրի կազզման համար:
Հանդիպման վերջում ձեռք բերվեցին պայմանավորվածություններ համատեղ աշխատել երկրորդ ԳԾ-ն բարեհաջող ավարտին հասցնելու և 3-րդ ծրագիրը համատեղ կազմելու առնչությամբ: