Գործողությունների ծրագիր
ԲԿԳ հայաստանյան Գործողությունների 4-րդ ծրագիրը փոփոխվել է
ՀՀ կառավարության՝ 2019թ.-ի օգոստոսի 29-ի N1130 - Լ որոշման համաձայն ԲԿԳ հայաստանյան Գործողությունների 4-րդ ծրագիրը շարադրվել է նոր խմբագրությամբ:
Այստեղ կարող եք ծանոթանալ Գործողությունների 4-րդ ծրագրի վերաշարադրված տարբերակին:
Գործողությունների 4-րդ ծրագրի վերաշարադրված տարբերակը
ԲԿԳ հայաստանյան Գործողությունների 4-րդ ծրագիրը
2018թ.-ի նոյեմբերի 23-ին ՀՀ վարչապետի պաշտոնակատար Նիկոլ Փաշինյանը ստորագրել է «Բաց կառավարման գործընկերություն» նախաձեռնության շրջանակներում Հայաստանի Հանրապետության գործողությունների չորրորդ ծրագիրը՝ 15 նոյեմբերի 2018 թվականի N 1307 - Լ որոշմամբ:
2018 թվականի փետրվարի 19-ին ՀՀ կառավրության աշխատակազմում տեղի ունեցավ «Բաց կառավարման գործընկերություն» նախաձեռնության Հայաստանյան աշխատանքները համակարգող աշխատանքային խմբի նիստը: Օրակարագային հարցերից էր ԲԿԳ–Հայաստան Գործողությունների չորրորդ ծրագրի մեկնարկը և Նոր գործողությունների ծրագրի մշակման ժամանակացույցը: ՀՀ կառավարությունը հրապարակել էր այն հիմնական չափորոշիչները, ուղեցույցը և ձևաչափը, որոնցով պետք էր առաջնորդվել Գործողությունների ծրագրի հանձնառությունները մշակելիս:
Վարչապետի աշխատակազմի կողմից իրականացվեց ԲԿԳ նոր գործողությունների ծրագրի մեկնարկի իրազեկման և առաջարկների հավաքագրման գործընթաց՝ պետական կառավարման մարմիններից: Արդյունքում հավաքագրցեվ 42 առաջարկ:
2018թ. հոկտեմբերի 17-ի աշխատանքային խմբի նիստում քննարկվեցին և հաստատվեցին ԲԿԳ-Հայաստան գործողությունների չորրորդ ծրագրի նախագծի հանձնառությունները: Գործողությունների ծրագրի 11 հանձնառություններից 6-ը քաղաքացիների և հասարակական կազմակերպությունների կողմից ներկայացված առաջարկություններն են:
ԲԿԳ ՀԱՅԱՍՏԱՆՅԱՆ ԳՈՐԾՈՂՈՒԹՅՈՒՆՆԵՐԻ ՉՈՐՐՈՐԴ ԾՐԱԳԻՐԸ 2018-2020
ԲԿԳ հայաստանյան Գործողությունների 3-րդ ծրագիրը
"Բաց կառավարման գործընկերություն" նախաձեռնությունում Հայաստանի գործողությունների երրորդ ծրագիրը հավանության է արժանացել 2016թ.-ի օգոստոսի 11-ի ՀՀ կառավարության նիստի N 31-18 արձանագրային որոշմամբ:
ԲԿԳ երրորդ գործողությունների ծրագրը մշակվել է ՀՀ կառավարության, քաղաքացիական հասարակության, միջազգային գործընկեր կազմակերպությունների և այս անգամ նաև՝ անհատ քաղաքացիների ու մասնավոր հատվածի ներկայացուցիչների հետ համատեղ՝ հիմք ընդունելով նախորդ երկու Գործողությունների ծրագրերի մշակման և իրականացման արդյունքում կուտակված աննախադեպ փորձը, ԲԿԳ միջազգային ցանցը և անկախ հաշվետվական մեխանիզմի առաջարկությունները: Ծրագրի նախագիծն անցել է հանրային քննարկումների և համաձայնեցումների մի շարք փուլերով:
ԲԿԳ-Հայաստան երրորդ գործողությունների ծրագրի համար ստացվել են 70-ից ավել առաջարկություններ, որոնցից ծրագրում ներառվել է 8 հանձնառություն:
ԲԿԳ ՀԱՅԱՍՏԱՆՅԱՆ ԳՈՐԾՈՂՈՒԹՅՈՒՆՆԵՐԻ ԵՐՐՈՐԴ ԾՐԱԳԻՐԸ 2016-2018
____
ԲԿԳ ՀԱՅԱՍՏԱՆՅԱՆ ԳՈՐԾՈՂՈՒԹՅՈՒՆՆԵՐԻ ԵՐԿՐՈՐԴ ԾՐԱԳԻՐԸ
"Բաց կառավարման գործընկերություն" նախաձեռնությունում Հայաստանի գործողությունների երկրորդ ծրագիրը հավանության է արժանացել 2014թ.-ի հուլիսի 31-ի ՀՀ կառավարության նիստի N 32 արձանագրային որոշմամբ:
2013 թվականի վերջից ՀՀ կառավարությունը նախաձեռնել է ԲԿԳ-Հայաստան երկրորդ գործողությունների ծրագրի նախագծի մշակման գործընթացը: Նախագիծը կազմվել է ինչպես կառավարության, այնպես էլ քաղաքացիական հասարակության ներկայացրած առաջարկությունների հիման վրա:
Ծրագրում չեն ներառվել այն առաջարկությունները, որոնք չեն համապատասխանել ԲԿԳ արժեքներին և ձևաչափին: Նոր օրենքների նախագծերի մշակման և ընդունման, ինչպես նաև գործող օրենքներում փոփոխություններ կատարելու պահանջ ենթադրող առաջարկությունները նույնպես չեն ներառվել ծրագրում, քանի որ ՀՀ-ում օրենքներն ընդունվում են Ազգային ժողովի կողմից, և կառավարությունը չի կարող երաշխավորել դրանց ընդունումը: Չնայած այդ հանգամանքին՝ ՀՀ կառավարությունը պատրաստակամություն է հայտնել քաղաքացիական հասարակության հետ քննարկել ծրագրում չընդգրկված առաջարկությունների իրականացման հնարավոր մեխանիզմները ԲԿԳ նախաձեռնությունից դուրս:
ԲԿԳ ՀԱՅԱՍՏԱՆՅԱՆ ԳՈՐԾՈՂՈՒԹՅՈՒՆՆԵՐԻ ԵՐԿՐՈՐԴ ԾՐԱԳԻՐԸ
ԲԿԳ ՀԱՅԱՍՏԱՆՅԱՆ ԳՈՐԾՈՂՈՒԹՅՈՒՆՆԵՐԻ ԵՐԿՐՈՐԴ ԾՐԱԳՐԻ ՀԱՆՁՆԱՌՈՒԹՅՈՒՆՆԵՐԸ
ԲԿԳ ԾՐԱԳՐՈՒՄ ՆԵՐԱՌԵԼՈՒ ՆՊԱՏԱԿՈՎ ՆԵՐԿԱՅԱՑՎԱԾ ԱՌԱՋԱՐԿՆԵՐԻ ԱՄՓՈՓԱԹԵՐԹ
____
ԲԿԳ ՀԱՅԱՍՏԱՆՅԱՆ ԳՈՐԾՈՂՈՒԹՅՈՒՆՆԵՐԻ ԱՌԱՋԻՆ ԾՐԱԳԻՐԸ
"Բաց կառավարման գործընկերություն" նախաձեռնությունում Հայաստանի գործողությունների ծրագիրը 2012թ. ապրիլի 5-ին Մշտապես գործող նախարարական պետաիրավական կոմիտեի նիստում հավանության արժանացավ "Բաց կառավարման գործընկերություն" նախաձեռնության շրջանակներում Հայաստանի Հանրապետության գործողությունների ծրագրին հավանություն տալու մասին" ՀՀ կառավարության արձանագրային որոշումը: Ծրագիրը կազմել է ՀՀ պետական գերատեսչությունների և քաղաքացիական հասարակության ներկայացուցիչներից կազմված աշխատանքային խումբը, որը ղեկավարել է ՀՀ արտաքին գործերի նախարարությունը: Ծրագրի հիմնական դրույթները նպատակաուղղված են Հայաստանում հանրային կառավարման համակարգի արդյունավետության, թափանցիկության և հաշվետվողականության բարելավմանը:
Բաց կառավարման գործընկերության հայաստանյան գործողությունների ծրագիրը պաշտոնապես ներկայացվել է միջազգային հանրությանը 2012թ. ապրիլի 17-18-ին Բրազիլիայում (մայրաքաղաք Բրազիլիայում) կայացած ԲԿԳ նախաձեռնության բարձր մակարդակի տարեկան համաժողովի ժամանակ: Այն ներկայացրել են ՀՀ փոխարտգործնախարար Աշոտ Հովակիմյանը և Ինֆորմացիայի ազատության կենտրոնի փորձագետ Լիանա Դոյդոյանը Հարավային Կովկասի երկրներին նվիրված նստաշրջանում:
"Բաց կառավարման գործընկերություն" նախաձեռնությունում ՀՀ գործողությունների ծրագիրը
ԲԿԳ ՊԱՐՏԱՎՈՐՈՒԹՅՈՒՆՆԵՐԸ
Բաց կառավարում ստեղծելու Հայաստանի հանձնառությունը ներառում է պետական ռեսուրսների արդյունավետ կառավարման և հանրային օրինավորության մարտահրավերներ, որոնց արձագանքելու համար կիրագործվեն հետևյալ նպատակները։
- 1.1. Էլեկտրոնային կառավարման միջոցով բաց կառավարության խթանում
- 1.2. Կարգավորման "Guillotine" ծրագիր
- 1.3. Պետական հատվածում ներքին աուդիտի համակարգի բարելավում
- 1.5. Բյուջեի պլանավորման և հաշվետվական համակարգերի բարելավում՝ ծրագրային բյուջետավորման ամբողջական կիրառման միջոցով
- 1.4 Գնումների ընթացակարգերի բարելավում
- 2.1 Տեղեկատվության մատչելիության խթանում
- 2.2 Հարկային վարչարարության գործընթացներում թափանցիկության և օբյեկտիվության խթանում
- 2.3 Կոռուպցիայի դեմ պայքար