Նորություններ, միջոցառումներ
ԲԿԳ Աշխատանքային նիստ
09.09.2013
2013թ.-ի սեպտեմբերի 9-ին կայացավ ԲԿԳ աշխատանքային խմբի հերթական նիստը: Նիստը գլխավորում էր ՀՀ կառավարության աշխատակազմի ղեկավարի օգնական Տիգրան Գևորգյանը: Նիստի օրակարգային հարցերից էր ԲԿԳ հայաստանյան Գործողությունների երկրորդ ծրագրի մշակման գործընթացի մեկնարկը:
Կառավարությունը, Գործողությունների ծրագրում ներառելու նպատակով առաջարկներ ներկայացնելու համար, դիմել էր պետական մարմիններին: Աշխատանքային խմբի անդամներին ներկայացվեցին ստացված առաջարկները, ինչպես նաև մինչև նոյեմբեր ժամանակ տրվեց նոր առաջարկներ ներկայացնելու համար:
Հաջորդիվ խմբի անդամներին ներկայացվեց ԲԿԳ Գործողությունների առաջին ծրագրի Կառավարության ինքնագնահատման զեկույցը:
