Բաց կառավարման գործընկերություն - Հայաստան

"Բաց կառավարման գործընկերություն" նախաձեռնությունում Հայաստանի գործողությունների ծրագրից բխող աշխատանքները համակարգող աշխատանքային խմբի հերթական հանդիպումը տեղի ունեցավ 2013 թվականի ապրիլի 22-ին:

Օրակարգի առաջին կետով նախատեսված` ՀՀ պետական մարմինների ներկայացուցիչները ամփոփեցին ԲԿԳ նախաձեռնությունում ՀՀ գործողությունների ծրագրով ստանձնած պարտավորությունների կատարման ընթացքում ձեռք բերված արդյունքները, քննարկվեցին դրանց հետագա իրականացմանն առնչվող հարցեր:

Այնուհետև ՀՀ կառավարության աշխատակազմի արտաքին կապերի վարչության գլխավոր մասնագետ Ռոզա Վարդանյանը ներկայացրեց ԲԿԳ նախաձեռնության երկրորդ (Դուբրովնիկ, Խորվաթիա), երրորդ (Հռոմ, Իտալիա) եվրոպական օգնության և աջակցման և "Թրանսփարենսի Ինթերնեշնլ" միջազգային հակակոռուպցիոն կազմակերպության՝ Ուկրաինայի ներկայացուցչության կողմից կազմակերպված աշխատանքային սեմինարին  հայկական պատվիրակության մասնակցության արդյունքները:

Ինֆորմացիայի ազատության կենտրոն ՀԿ փորձագետ Լիանա Դոյդոյանն այնուհետ տեղեկացրեց, որ ԻԱԿ-ի նախաձեռնությամբ 2013թ. հունիսին նախատեսվում է իրականացնել "Բաց կառավարման գործընկերություն-Հայաստան" խորագրով համաժողով: Լ. Դոյդոյանը խմբի անդամներին ներկայացրեց նախապատրաստական աշխատանքները և ակնկալվող արդյունքները: 

Օրակարգի վերջին հարցով քննարկվեց ԲԿԳ հայաստանյան ինտերնետային կայք ստեղծելու վերաբերյալ հարցերը: Հելիքս քընսալթինգ ընկերության ղեկավար Արամ Մխիթարյանը առաջարկեց ստեղծվելիք կայքի տեխնիկական լուծումները: ԻԱԿ փորձագետ Լիանա Դոյդոյանը նշեց, որ ԱՄՆ ՄԶԳ աջակցությամբ արդեն իսկ ապահովվել է կայքի ստեղծման համար անհրաժեշտ ֆինանսական միջոցները, և կայքն արդեն իսկ կգործի 2013 թվականի հուլիսին:  

 ԱՇԽԱՏԱՆՔԱՅԻՆ ԽՄԲԻ ՀԱՆԴԻՊՄԱՆ ԱՐՁԱՆԱԳՐՈՒԹՅՈՒՆԸ