Նորություններ, միջոցառումներ
Առաջարկների հարթակ ԲԿԳ հայաստանյան Գործողությունների 4-րդ ծրագրի համար
01.08.2018
ՀՀ Կառավարությունը՝ քաղաքացիական հասարակության գործընկերների աջակցությամբ, հայտարարում է գաղափարների մրցույթ՝ Բաց կառավարման գործընկերության (ԲԿԳ) գործողությունների չորրորդ ծրագիրը համալրելու նպատակով: Առցանց հարթակում կարող եք ներկայացնել ձեր առաջարկը:
Ի՞նչ է ԲԿԳ գործողությունների ծրագիրը: Ծրագիրը պետության կողմից ստանձնած հանձնառությունների փաթեթ է, որն ուղղված է խթանելու կառավարման թափանցիկությունը, հաշվետվողականությունը և հանրային մասնակցությունը: Նախորդ Ծրագրերին կարող եք ծանոթանալ այստեղ:
Ո՞վ կարող է դիմել: Կառավարման հաշվետվողականության առաջարկներ կարող է ներկայացնել ցանկացած ոք՝ անկախ տարիքից, սեռից, հասարակական կազմակերպության և կուսակցական պատկանելությունից:
Ի՞նչպիսի առաջարկներ ենք ակնկալում: Բաց կառավարման գործընկերությունը շեշտադրում է հավակնոտ և համակարգային հանձնառությունների միջոցով կառավարման բարեփոխումներին ուղղված նախաձեռնությունները: Գործողությունների ծրագրում ընդգրկվող նախաձեռնությունները կարող են լինել ինչպես նոր, այնպես էլ՝ նախկինում սկսված, ընթացիկ բարեփոխումների շարունակություն:
Որո՞նք են չափորոշիչները: Առաջնահերթ պահանջ է գործողությունների ծրագրում ներառված յուրաքանչյուր հանձնառության համապատասխանության ապահովումը բաց կառավարման հետևյալ չորս սկզբունքներից առնվազն մեկին ` թափանցիկություն, հաշվետվողականություն, մասնակցություն, տեխնոլոգիական նորարարություն:
Առաջարկությունները ներկայացնելիս կարող եք առաջնորդվել հետևյալ Ուղեցույցով:
Կարող եք նաև առաջարկներն ուղարկել ՀՀ կառավարության աշխատակազմ՝ [email protected] էլ. փոստի միջոցով, օգտագործելով ձևաթուղթը
Առաջարկությունը ներկայացնելու ձևաթուղթ
Առաջարկների ներկայացման վերջնաժամկետն է օգոստոսի 20-ը: