Նորություններ, միջոցառումներ
ԲԿԳ - Հայաստան. Չորրորդ գործողությունների ծրագրի մեկնարկ
26.02.2018
2018 թվականի փետրվարի 19-ին ՀՀ կառավրության աշխատակազմում տեղի ունեցավ «Բաց կառավարման գործընկերություն» նախաձեռնության Հայաստանյան աշխատանքները համակարգող աշխատանքային խմբի նիստը, որի ընթացքում նաև հայտարարվեց ԲԿԳ –Հայաստան չորրորդ Գործողությունների ծրագրի մեկնարկի մասին:
ԲԿԳ Գործողությունների ծրագրերը նախատեսված են իրականացվելու երկու տարի ժամկետի համար և պետք է համապատասխանեն բաց, թափանցիկ, հաշվետու և մասնակցային կառավարմանն ուղղված կոնկրետ գործողությունների:
ՀՀ կառավարությունը հրապարակել է այն հիմնական չափորոշիչները, որոնցով պետք է առաջնորդվել Գործողությունների ծրագրի հանձնառությունները մշակելիս:
Բոլոր շահագրգիռ մարմինները, հասարակական կազմակերպությունները և անհատները կարող են ԲԿԳ սկզբունքներից բխող հստակ առաջարկությունները ներկայացնել ՀՀ կառավարության աշխատակազմ՝ [email protected] էլ. փոստի միջոցով:
Բաց կառավարման գործընկերություն նախաձեռնության վերաբերյալ տեղեկանք
Գործողությունների ծրագրի հանձնառությունների չափանիշների վերաբերյալ ուղեցույց