Նորություններ, միջոցառումներ
Տեղի ունեցավ ԲԿԳ աշխատանքային խմբի նիստը
07.10.2015
Հոկտեմբերի 5-ին տեղի ունեցավ «Բաց կառավարման գործընկերություն» նախաձեռնության Հայաստանյան աշխատանքները համակարգող աշխատանքային խմբի հերթական նիստը, որին հրավիրվել էին, նաև միջազգային կազմակերպությունների գործընկեր ներկայացուցիչները: Նիստը վարում էր ՀՀ կառավարության աշխատակազմի ղեկավար-նախարարի առաջին տեղակալ, ԲԿԳ աշխատանքները համակարգող խմբի ղեկավար Գուրգեն Դումանյանը:
Հանդիպման ընթացքում ԲԿԳ աշխատանքային խմբի անդամները ներկայացրեցին Երկրորդ գործողությունների ծրագրի իրականացման ընթացքը՝ ըստ 11 հանձնառությունների: Նիստի ընթացքում ԲԿԳ յուրաքանչյուր հանձնառության պատասխանատու գերատեսչության ներկայացուցիչ ներկայացրեց իրենց մասով կատարված աշխատանքների արդյունքները և գործընթացների հետ կապված խնդիրները:
Աշխատանքային քննարկման երկրորդ հատվածում ներկայացվեցին կառավարության կողմից հրապարակված Հայաստանյան ԲԿԳ գործողությունների երկրորդ ծրագրի Ինքնագնահատման միջանկյալ և Ինֆորմացիայի ազատության կենտրոնի կողմից հրապարակված՝ ԲԿԳ-Հայաստան մշտադիտարկման զեկույցները:
Հանդիպման վերջում՝ ամփոփելով հնչեցրած կարծիքներն ու դիտարկումները, կառավարության և քաղհասարակության միջև ձեռք բերվեց պայմանավորվածություն՝ ԲԿԳ գործընթացի առավել հստակ կանոնակարգման համար անհրաժեշտ իրավական ակտերի նախագծման համատեղ աշխատանքներ իրականացնելու վերաբերյալ: