Նորություններ, միջոցառումներ
Կառավարության եվ քաղհասարակության ներկայացուցիչները Ֆիլիպիններում ներկայացրին ԲԿԳ հայաստանյան գործընթացները
08.09.2015
2015թ.-ի սեպտեմբերի 7-8 Ֆիլիպինների մայրաքաղաք Մանիլայում տեղի ունեցավ ԲԿԳ ասիական մայրցամաքի երկրների հանդիպումը: Տարածաշրջանային հավաքին մասնակցում էին 50 -ից ավել ներկայացուցիչներ կառավարություններից, ՔՀԿ-ից և մասնավոր հատվածից: Հանդիպմանը մասնակիցները քննարկեցին Գործողությունների ծրագրերի իրականացման պրոցեսները, խնդիրներն ու հիմնական մարտահրավերները: Այս հանդիպմանը նաև ներկայացվեց Ասիական զարգացման բանկի ԲԿԳ Գործողությունների ծրագիրը:
Հայաստանի պատվիրակությունը ևս մասնակցեց հավաքին՝ Կառավարության աշխատակազմից Նարե Դանիելյանն ու Արամ Ասատրյանը, Ինֆորմացիայի ազատության կենտրոն ՀԿ-ի նախագահ Շուշան Դոյդոյանը: Նարե Դանիելյանը հավաքին ներկայացրեց ԲԿԳ Գործողությունների ազգային ծրագրի մշակման և իրականացման ընթացքը, հիմնական ձեռքբերումներն ու քաղած դասերը:
Շուշան Դոյդոյանը վարում էր հավաքի ԲԿԳ-ի տարածումը և արմատացումը թեմայով առանձին խմբի հանդիպումը, որտեղ նա ներկայացրեց ԲԿԳ գործընթացներում հայաստանյան քաղհասարակության դերը և գործունեությունը, կառավարություն-քաղհասարակություն համագործակցության և երկխոսությայն ամրապնդման ուղիները: