Նորություններ, միջոցառումներ
Քննարկվեց ԲԿԳ-մրցանակաբաշխության մասնակցության հարցը
15.04.2015
Ապրիլի 15-ին տեղի ունեցավ «Բաց կառավարման գործընկերություն» նախաձեռնությունում ՀՀ մասնակցության գործողությունների ծրագրից բխող աշխատանքները համակարգող աշխատանքային խմբի նիստը, որին հրավիրվել էին նաև գործընկեր միջազգային կազմակերպությունների ներկայացուցիչներ: Նիստի ընթացքում քննարկվել է «Հանրային ծառայությունների բարելավումը Բաց կառավարման սկզբունքների գործածմամբ» թեմայով Բաց կառավարման մրցանակաբաշխությանը Հայաստանի կողմից ներկայացվող հայտը:
Մրցանակաբաշխությանը հայտի վերաբերյալ առաջարկություններ ներկայացնելու նպատակով ՀՀ կառավարությունը հրավեր էր ուղարկել ինչպես պետական մարմիններին, այնպես էլ հասարակական կազմակերպություններին: Ստացված առաջարկներն ամփոփվել և ներկայացվել են «Բաց կառավարման գործընկերություն» նախաձեռնությունում ՀՀ մասնակցության գործողությունների ծրագրից բխող աշխատանքները համակարգող աշխատանքային խմբի քննարկմանը: Քննարկման արդյունքում ընտրվեցին մի քանի առաջարկներ (կարճ ցուցակ), որոնցից մրցույթի չափանիշներին լավագույնս համապատասխանող առաջարկը կներկայացվի որպես հայտ ԲԿԳ մրցանակաբաշխությանը:
Կից նյութեր՝